| صوروقصائد الشاعر الكبير اسامة السمرة ابو خليل | |
|
|
كاتب الموضوع | رسالة |
---|
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: صوروقصائد الشاعر الكبير اسامة السمرة ابو خليل الإثنين أغسطس 03, 2009 9:17 am | |
| صور الشاعر الكبير اسامة السمرة ابو خليل الدولة :سوريا العمر: 39 سنة | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الإثنين أغسطس 03, 2009 9:21 am | |
| قصيدة للشاعر أسامة السمرة
لا تسأليني ليش متلوّع وْ مهموم خلي بقلبي الجرح والدمع بهْـدابي ما زال خبز الوعد ما بيشْـبِع المحروم ياريت مات العشق جوعان عذّابي
جربت كون الحبيب العاشق المغروم حب بأمانة ووفا وْ إخلص لأحبابي ضيّـعت عمري بحوّا وْجنسها المهضوم وْ شوفي حكايا وْ قصص مَرقِت على كتابي
حبيت شقرا وْ قلت هالورد مش مشموم الخد جوري حَمَا والتم عنّـابي سيّـجِـت أحلامها بْـزَهَر وْ شمع ونجوم وْ سجّلت بحسابها اللي كان بحسابي وْأوّل ما فاح العطر والنحل صار يحوم عبّـيت قلبي غَـرام وْ فِضـيِـت جيابي راحت وْ قالت إلي الإخلاص ما بيدوم ما زال جيبك فِضِي مْـسامَح بِأتعابي
وْ حبّـيت بـيضة عمبسمها القمر مرسوم حلوة بعمر الورد وِِ كتير جذابة قالت بحب الصدق و التضحية مفهوم صدّقِت كلماتها وْ رَيّـحت أعصابي وْ لما لاقيت بْـفَـعَـايلها الصدق ملغوم وْ حِمْـلِت قلوب البشر وحشية الغابة قلت اللي قلبو حجر ما بيرحم المظلوم والناس أطباعها للشر قلابة
وْ حبيت سمرة المسك عخدودها مختوم وِعْيون فيهن حواري العين منصابة والوجه دَورة قمر وَشمِـة عرب مَـوشوم وِ شْـفاف تسكب عسل من أعتق خْـوابي دبت بْحلاها وْ بميلِـة خصرها المبروم وْ مالْحِـقِت أوصِف لها حبي وَ إعجابي ضِـحكِت وْ قالت إلي لاتعتب وْ لا تلوم من دون همس وْ لمس عم دوب بتيابي بِـفزَع يقولو البشر كلمة يا عيب الشوم بتعرِف كلام البشر سلبي وَ إيجابي ان حبيت أحكم أنا وْ تبقى إلي محكوم سجّـل العصمة بإيدي بْتَـعرِف جْوابي
وْ لما لاقيت العشق بدو نبي معصوم سَـكّنْـت قلبي بْـقَـفَص وِ قْفَـلت عابابي وأيقنت إنو بجنس حوّا الصدق معدوم وْ أَصدق ما فيهن تْلات رْباع كذّابــــة بقلم: لعيون الشبح | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الإثنين أغسطس 03, 2009 9:26 am | |
| سلاااااااااااااااااااااااااااااااااام
القصيدة للشاعر اسامة السمرة
وهو رئيس الزجالة السوريين في سوريا
والقصيدة هي باللغة العامية
مضمون القصيدة هو قصيدة لأم الشهيد . وهي مخصوصة بمناسبة ام نضال فرحات المرآة الفلسطينة يلي ودعت أبنها على شاشات التلفزيون منذ بضع سنين ، وهي تقول له برضاي عليك تروح وتستشهد عندما كان يريد نضال ان يذهب لتنفيذ عمليةٍ استشهادية في فلسطين .
ام الشــــــــــهــــــــــــيد :
يا امي شايف عيونك حزيني ......... شو المزعلك يا تئبريني ياريت الناس بتبيع السعادة ......... تجبلك كل فرحة وكل زيني حرام الحزن يغمر هالأيادي ........ الي كنتي فوء منهم تحمليني وصباكي يلبس التوب الرمادي...... وألبك متل زهر الياسميني كنتي كل ما ازحف ودادي ..............تشوفيني رجل وتعلميني يا ابني أرضك عبدها عبادة...... الدهب شو ايميتو لوما الخزيني يا امي بعرفك عندك جلادة ........وصبر فيه الرضا والطمأنيني مين العوكرك يا بحر هادي..... وطفى الجمعة الي ضويت ع مديني
رفعت راسها بحزم وأرادة ......... ومسحة جمرة الدمعة السخيني وبجرحت صوتها صارت تنادي.... القدس امي القدس بنتي السجيني يا ابني جارت عليها الاعادي........... وتاهت عن مراسيها السفيني برضايي عليك يا فلذة فؤادي........... حررها ولا تتركها رهيني
يا ابني القدس اغلى من ولادي ...... وانتو والقدس من فرد طيني وكانت فرحتك اصدي ومرادي......... وحتى بعرسك تزهر سنيني انا بدي لبسك توب الشهادة ............. واحمل نعشك وارفع جبيني
وقف وألها بلسان شادي ............ انا ابنك متل ما بتعرفيني انا ابنك اذا نادى المنادي .......... استشهادي فدائي بتوجديني يا امي مين اغلى من بلادي........ بعد الله الارض والعرض ديني يا امي واجبي تابع جهادي ........... بوصيكي قبل ما تودعيني اذا نلت الشهادة باعتقادي ............ بزلغوطة وببسمة استقبليني مابدي تلبسي توب الحدادة ............ ولا تبكي علي بتحرقيني رفاقي بيحملوني ع الايادي ......... عريس ببدلتو البيضا التميني نعشي زعفران وزهر نادي ........... وقبري بين زيتوني وتيني وحتى تريحيني ونام هادي ......... وبأبري تخيم علي السكيني
تحت راسي وضعي المصحف وسادة وع صدري صورة المسجد الاقصى وامانة يضل رشاشي بيميني
0 ام الشهيد ( اسامة السمرة )
| | | |
| |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الإثنين أغسطس 03, 2009 10:23 am | |
| يا سوريا للشاعر اسامة السمره ابو خليل
يا سوريا للشاعر اسامة السمره ابو خليل يا سوريا فيك الوفا مجبول وبغصونك النخوي بتتفيا شعبك ربي عمحبتك عاصول حيا العرب و باسمك تحيا ومهما الاعادي يجيشو الاسطول وشارون بالاحقاد يتهيا قلعة سوريا شامخة عاطول عزة سورية بالاسد بشار يديم الاسد و يديم سوريا *****************
سوريا الله حاميها | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الإثنين أغسطس 03, 2009 10:47 am | |
| منوعات: هيدي هيدي
عدل سابقا من قبل لعيون الشبح في الإثنين أغسطس 03, 2009 11:04 am عدل 2 مرات | |
|
| |
غـرور أنثـى Admin
عدد الرسائل : 2170 الموقع : دمشق sms : بما أن الصمت أقوى لغات العالم
والدمع أبلغ لغات العالم
فسألتزم بهما على همومي
تاريخ التسجيل : 06/12/2008
| موضوع: رد: صوروقصائد الشاعر الكبير اسامة السمرة ابو خليل الإثنين أغسطس 03, 2009 10:55 am | |
| يسلمو اديك لعيون الشبح عقبال ماتنزل صور الشاعر الكبير ابن الوليد
الى الامام | |
|
| |
إحساس ابن الوليد المدير العام
عدد الرسائل : 1072 العمر : 36 تاريخ التسجيل : 28/07/2008
| موضوع: رد: صوروقصائد الشاعر الكبير اسامة السمرة ابو خليل الثلاثاء أغسطس 04, 2009 2:53 am | |
| برافو لعنون صور حلوة واشعار احلا | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الأربعاء أغسطس 05, 2009 12:28 am | |
| أسعد الله أوقاتكم بكل الخير و المحبة أعضاء منتدى همس ملاك النبك في إحدى الأعراس غنى الشاعر (( أسامة السمرة))
قصيدة بعنوان الــشــام لقد كتبتها كتابة و أدرجت بالمرفقات
القصيدة بصوت الشاعر أسامة السمرة
المدة الزمنية 3:34
heart تقول القصيدة heart _____________________________ يا جوهرة أقدم من الأزمان كل ما عتقتي مجدك بيبكبر يا شمس نورك كوكبة فرسان شروق الشرق من وجهك الأسمر
يا أرض منها تكون الانسان و لو ما تكوني الكون ما تعمر بردى سقاكي عاطفة و تحنان بسبعة روافد زمزم و كوثر
و بالغوطتين نمزجت الألوان فسطان أبيض أحمر و أخضر ختلفوا عليكي الكفر و الايمان وتنشوف فيكي مين الو أكثر
لما بأرضك عسكر الرومان و جيش الفتح عبوابك ستنفر وقفت بباب الجابية الرهبان و من باب شرقي أشرق العسكر
و من باب توما لاحت الصلبان وباب المصلى هلل و كبر و باب السريجة سراجها نور و باب البريد تبددالأحزان
بوابك السبعة قيدها تكسر و بباب السلام تحطم الطغيات و تعانقو الانجيل و القرآن على صوت واحد الله أكبر
و عاود هولاكو جدد العدوان و حقد المغولي و التتر أظهر و من بعد منو طل جستنيان طلة ملك مغرور يتمختر
و طلوا المماليك و بني عثمان و كم ألف حاكم حطم و دمر و طل الفرنسي وحقد غورو بان مازال صوت الحق ما بيخسر
تكاتف هنانو و صالح و سلطان و يوسف العظمة بعظمتو تفجر و بميسلون تأجج البركان حتى ستقل الوطن و تحرر
و رجعوا اليهود بهيكل سليمان يرشو فحيح السم على الخنجر و سايكس بيكو اللي قسموا الأوطان حطو وعد بلفور على الدفتر
و ساعة ما ضاق الضرف على العربان وسود فينا الكون و تغير و طل الأسد طلة أسد غضبان يشطب حكاية جيش لا يقهر
و ياشام بعدك للدني عنوان و عنك نبينا حدث و خبر بانك كنانة ربنا الرحمن و يلي رمى عليكي سهم من نار رح يحترق في نارك و يخسر
أسامة السمرة
........ بقلم لعيون الشبح تحياتي للحميع
انا عم اجمع كل قصائد الفنان اسامة وبتمنا تنال اعجبكن وشكراااااااااااااااا
| |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الأربعاء أغسطس 05, 2009 1:02 am | |
| فلسطين ارض مباركة و مقدسة مافي حدا منا قداستها نسي من نهرها عيسى المسيح بيحتسي ومن نخلها مريم العدرا بتكتسي مسرا الرسول اليعربي لفيها رسي ومنها عرج طه بليلي مؤنسي
و مكي يلي عحجار القداسي مأسسي متل القدس للدين قبلي و مدرسي فيما مصى ردّو الغدر و الغطرسي من الروم و الغزو الصليبي الفارسي و اليوم امريكا ببوش مسيسي و عالقبلتين مجيشي و متتمترسي قبلة الاولى قد ما الواقع اسي اطفالها بتقول للغاصب خسي و البارجات لبالسلاح مكدسي و جيي على ارض الحجاز الهندسي المفروض نلغي التفرقة و الوسوسي ونتوحد و نضرب بقوة محمسي ونغطي بعسكرنا البحر و اليابسي و كل الجحافل و القوة المتغطرسي نحرقهم و ندفنهم بارض الخليخ و ما يعو د جندي للمحيط الاطلسي | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الأربعاء أغسطس 05, 2009 1:04 am | |
| نحنا العرب تاريخ مجدو ما غرب اتكلو علىالله النصرالنا اقترب ياما المتل عنا حكي و فينا ضرب و رقصت عمجد سيوفنا النخوة طرب العرب بلسان وحيو عرب ومنا الرسول اليعربي ما بينعرب ان ما حمينا بلادنا وو لادنال يا الف عيب شوم نتسمى عرب | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الأربعاء أغسطس 05, 2009 1:07 am | |
| العرب اول حضارة شعب راقي
الشاعر الشامي السوري الكبير أسامة السمره
نحن العرب اول حضارة شعب راقي من اشلاءها شو عاد باقي بدلنا بحضارة مستعارة نسا و خمر و تحرر انعتاقي الطهارة تموضت صارت دعارة الشرف شرقة عشواط التلاقي الكذب ميثاق و السرقة شطارة الغدر اخلاق و المنحط راقي العرض عرضة و سلعة للتجلرة
الكرم تشرب خمر و تكون ساقي الاحمق بيحكم كل حارة بلسانو الارعن و حكيوالزقاقي و لمين الزعامي و الامارة للاعوج الاهوج و التفاقي يلي بيلعب اللعبة بمهارة و بيبدل طرابيش بطواقي
و لمين الوجاهو و الصدارة للمقرش المبغض و العقاقي و لمين البطولي و الجدارة للخاين الندل الاتزلاقي و عمين بيوضعو اكس و اشرة الحر الادمي الشهم الملاقي
استحو يا ملوكنا من هاخسارة شو صفا من بواقيكم بواقي انتو بتشعلو الدنيا بشرارة و انا بجمرة ضميري ا حتراقي انتو شوقكم خمر و عذارى وانا للنصر ذروة اشتياقي انتو دينكم عنكم توارى وانا دين العروبة اعتناقي اذا بدك تخلونا حيارى انا من هون بعلن انشقاقي و بنده للبلد بصدق العبارة الامة شو طلبت فيها بلاقي تعالو يا نشامى و يا غيارى نجمع بعضنا متل السواقي تعو نتوحد بقوي و جسارى اختنقنا و نشفت دموع المآاقي تعو نشد العزيمة لهيك غارى و بفلسطين بكون التلاقي ايد بايد اطفال الحجارة و ايد تشد بايد مقاومتنا ونمسح دمعة الشعب العراقي ونرفع راية الشعب العراقي | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الأربعاء أغسطس 05, 2009 1:10 am | |
| كتر ما ربنا في توصى كرمني و عطاني العقل حصى البرق سيفي الرعد مهري لمحنجل السما و الارض عاملهم منصى القمر لو شافني مني بيخجل الشمس قدام نوري ربع بصة و مافي فارس بميداني تمرجل الا ما عطيتو الموت رصة انا بشعر المعنى خلقت منجل لكل شاعر قصة و قصُّة انا عمنبري متل السفرجل عقلب الادمي صحة و عوافي وعقلب المفتري مليوون غصة
يا صايغ منجمك لملم كياسو ما بتخدع حدا بلمعة نحاسو طلع ماسك بعد فحص المخابر من شبابيك راسك حب ماسو انا صرلي عليك سنين صابر صبر موسى عفرعون ومساسو بس اليوم سكرت المعابر وطبق بحري عجيشو و ناسو
و انت يا ميرزا عالشعر عابر سبيل وطفل ما طلعت ضراسو يا فرخ من الدواري و القوابر ان عبس فيه النسر جمد حواسو ساال معلمك من عهد غابر التقينا و كان مشحون بحماسو رجع يدفن غرورو بالمقابر مافوف ببيارق انتكاسو ولاني شاعر الكلمي المثابر النصر ملكي ملكت تاجو وكاسو وما عاد الشعر اوراق و محابر زرعت الارتجالي في اساسو ورق شدي عطاولة الاكابر و كل شاعر الو لعبة قياسو ولاني خلقت قاشوش المنابر بدل ما تبعتولي هالجويزي بعتولي القص حتى قص راسو رد فيها اسامة على فيصل الصايع
عدل سابقا من قبل لعيون الشبح في الأربعاء أغسطس 05, 2009 1:32 am عدل 1 مرات | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الأربعاء أغسطس 05, 2009 1:13 am | |
| يا فيصل عقلاتك خوت و الجهل براسك سمك وجسمك بتابوت بطاغوت وا دنك ابعد من تمك و التقل بدمك مكبوت لو الارض بتشرب دمك كل شي اخضر بدو ... يموت من هالدم و سماتو
من زيتات كفي الزيت جايي ياخد زيتاتو
دمي عروقي اشرف د م ندرتو للاوطان ندور واسامة السمره المنحم شو صابة عم يحكي يزور لو لا سمي الكون التم وبلش فوق الارض يفور ما بيضاهي نقطة سم من السم ليبكلماتو
من زيتات كفي الزيت جايي ياخد زيتاتو
ربيتك طفل بهالمهد متناسي او متجاهل و مازالك ما صنت العهد سم الموت بستاهل و كلماتي للعاقل شهد و سم على قلب الجاهل و حسب الشاعر ما بيجتهد بنعبيلو بكاساتو
من زيتات كفي الزيت جايي ياخد زيتاتو طائر تعلم الشعر | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الأربعاء أغسطس 05, 2009 1:49 am | |
| قصيدة لعروس القلمون النبك يا لنبك هالكلمة اسمعيها .............................................وعلى صخورك بدماتي اكتبيها
انا بحبك يا أرض الانتي جنة............................................ ياروحي روحي هالجنة اسكنيها
ظني خير فيكي دوم ظني.................................................ولآمالي ما كنتي تخيبيها
وهبت شعري الك ووهبت فني...........................................سرقي روحي اذا ردتي سبيها
يلي ترابك المعمول حنة..................................................تعي هالحنة عاقلبي ارسميها
ومن ميييت العين الحب بَنّي..............................................امتزج بالدم وجروحي شفيها
وقلت صعبة تكوني زعلتي مني .........................................ما بعرف ام زعلت من بنيها
وغير فيكي ما عمرو بان سني...........................................لأنو الشمس انتي بتقربيها
وبعد الله ونبينا الحب سُنة ...............................................الك والروح غرقت اسحبيها
و إذا بتموتْ حكيوا الناس هِنْي...........................................وصرتْ جثة ولروحك بليها
اذا حظي بغير أرضك دفني ...............................................البعد والشوق لجروحي كويها
خدي الجثة افرحي فيها تهني.............................................وجوْا أرضك الطيبة ادفنيها
بدي ضل غنيلك لأني ......................................................صعب اسكر انا بحرف القوافي
.....................................اذا ضيعتنا ما بتكون فيها........................... ابن النبك عاشق ابوخليل | |
|
| |
لعيون الشبح
عدد الرسائل : 161 sms : تاريخ التسجيل : 17/06/2009
| موضوع: رد: صوروقصائد الشاعر الكبير اسامة السمرة ابو خليل الأربعاء أغسطس 05, 2009 2:05 am | |
| |
|
|