احلى ايميل لعام 2009 وبيحكي هموم المتطفلين

أولا: المقاطعة:

قاطع المنتجات الأمريكية لأنها تدعم اسرائيل

قاطع المنتجات البريطانية لأنها تدعم أمريكا

قاطع المنتجات الدانيماركية مشان الكاريكاتير

قاطع المنتجات الهولندية مشان الفلم

قاطع المنتجات الألمانية لأنها جنب الدول السابق ذكرها

و بالنهاية كل الناس ببعتوا الايميلات لبعض من كمبيوترات ولاب توبات كل البرامج يلي فيه أمريكية، وهنن قاعدين في ستاربوكس بعد ما تعشوا في كنتاكي ومعهن "تيك أوي" من ماكدونالد وبالآخر بيركبو سيارة امريكية كمان وبدخنو سجاير امريكية



ثانيا: الصحة

لا تشرب بيبسي لأنه بيحتوي على مواد تنظيف وعصارة خنزير

لا تشرب ريد بول لأنه بسبب عقم

لا تستعمل مزيل العرق ولاالشامبو ولا الصابون لأنه بسبب السرطان

لا تأكل لحم البقر لأنه بسبب جنون البقر

لا تأكل دجاج بسبب انفلونزا الطيور

لا تأكل سمك بسبب المد الأحمر

لا تأكل خضار ولا فواكه لأنها كلها هرمونات

لا تشرب مي لأنه معالج بالكلور

لا تأكل معلبات لأنها بتحتوي على مواد حافظة

لا تشرب عصير طبيعي لأنه بيجي على شكل عصارة مركزة

لا تشرب عصير غير طبيعي لأنه كله ألوان

طيب يعني آكل هوا؟!!! ..... لاء طبعا لأنه الهوا ملوث بعوادم السيارات ودخان المصانع



و اذا خالفت النواهي السابقة كلها، دخلنا على العادات:

لا تشرب مي بعد الأكل

لا تنام و لا تمشي ولا تقعد بعد الأكل

لا تدخن و لا تشرب شاي ولا قهوة بعد الأكل

أحسن شي .... انك تاكل و تنتحر!!!!!!







لا تخلي المي في التلاجة داخل علب بلاستيك لأنها مسرطنة

و لا تخليه في قناني قزاز لأنه ممكن ينكسر بدون ما تعرف و تشربه وتموت

و لا تخلية برة الثلاجة لأنه ممكن يتلوث

و لا تشرب من الحنفية لأنها مش نظيفة

و لا تشرب مية صحة لأنها معبئة من الحنفية أو مكررة وفيها مواد مسرطنة



لا تتكلم عالموبايل بدون سماعة لان الموجات بتقتل خلايا المخ

و لا تحكي عن طريق السماعة لان الكهربا الساكنة

و لا تحكي عن طريق البلوتوث لان الموجات برضه بتقتل خلايا المخ

(يعني كل العالم الي عايشين هالأيام عايشين بدون مخ)







لا تخلي الهوا يدور في السيارة لما تشغل التكييف لأنه يتلوث من التنفس

و لا تخلي الهوا يجي من بره لأنه ملوث

لا تعبي بنزين الصبح لان الكثافة عالية

و لا تعبي في الليل لان الكثافة واطية

و اشراب خل مشان يحرقلك الدهون .... و لا تشرب خل مشان ما يعملك قرحة

و اطلاع في الشمس مشان فيتامين "د" .... ولا تطلع في الشمس مشان الأوزون.





ثالثا: الدين:

ابعث هذا الايميل لجميع من عندك والله رح يعطيك 25864973 حسنة ....





(لأنه الي باعث الايميل مكشوف عنه الحجاب)

حارس قبر الرسول (صلى الله عليه و سلم) حلم انه الرسول (صلى الله عليه و سلم) قال انه لازم يبعث الرسالة.

و يجيلك ايميل مكتوب في أوله قسم انك تبعث الايميل لكل الي تعرفهم وبعدين يتم يذكرك انك أقسمت.

(ماسك عليك ممسك)

و ايميل فيه الجملة الحلوة اللطيفة (اذا لم تبعث الايميل فانت لا تستحق أجره)

و ايميل يقولك أحاديث كاذبة واذا ما بعثتها فأنت مقصر

و ايميل يقولك "دعاء مرة واحدة في العمر"


وتابعي دعى دعاء بعد سنة دعاه فقالتله الملائكة طول بالك بعدنا ما خلصنا من السنة الماضية

مين قلو؟


و ايميل بيقلك "دعاء من دعاه حققت له 100 أمنية" (مصباح سحري هاد مو دعاء)!!!!

و بعدين فتوى تحريم "البوكيمون"

و فتوى تحريم "البلايستيشن"






يعني أحسن حل ....

انو الواحد لا ياكل ولا يشرب ولا يتنفس ولا يحكي عالتلفون ولا يطلع من البيت

بس يقعد يبعت ايميلات ....



ملاحظة: اذا بعتت الايميل هاد لكل الي عندك رح يطلعلك جني سويسري راكب بنتلي،

واذا ماااااااا بعتو

رح أطلعلك كل يوم في المنام واقلك "ليش ليش ليش ليش" للصبح ورح تضل تشوف كوابيس






لك يقطع عمر هالحالة معكن بعدين ـ هلكتونا بهيك ايميلات

ارحمونا

هههههههههههههههههههههههههههههههههههههههههههههههههههههههههههههههه

مشكور عالموضوع الحلو والمهضوم

تقبل مروريـ

انتظريني راجع

وضعت يد عالجرح بحق

سلمت لما نقلت

اهلن فيكن وشكرا على مروركن الكريم

ههههههههههههههههههههه بجد ايميل حلو لدرجة صار معي السكري منو








الله يعطيك العافية انتظريني

الله يعافيكي اختي ميوش وشكرا على مرورك

ههههههههههههههه حلو كتير فراسو تقبل مروري وازا ما تقبلت مروري رح يجيك جني راكب بنتلي يسود عليك عيشتك

ههههههههههه لا بتقبلو امري لالله
ميرسي لمرورك مع انو متاخر