معلومات مهمة جدا

1. أولا:
ولا ممكن بأي شكل انك تعرف مين عملّك بلوك ع المسنجر مستحييل.. لأنو في اتفاقية ترخيص للمسنجر بتمنع هالشي.. و مهما وصلك ايميلات انو عريف مين عاملك بلوك, بكون هالشي كذب و دعاية

2. تانياً..
مستحيل يتهكر ايميلك الهوتميل, أو الياهوو أو الفيسبوك، لأنو المسؤولين عن هي الإيميلات شركات كتير كبيرة و قوية, و معادلات التشفير اللي عم تطلع, بدها سنين لحتى تقدر تفك كلمة سر وحدة، و اذا ما كان الشخص يللي مهكرلك اخو اختو... أو انت غلطان و فاتح ايميل ما لازم تفتحو.. مستحيل يعني يتهكر.

3. تالتاً..
مستحيل شركة مايكروسوفت تلغي خدمة الهوتميل, لأنو هي الخدمة معيشتها, فإياكن تسدقو انو ممكن يتسكر ايميلك الهوتميل، مايكروسوفت شركة منافسة لشركات كبيرة متل غووغل و ياهوو, و مستحيل تلغي خدمتها الأقوى و الاكثر منافسة بين الشركات.

4. ًرابعا,
اذا ملاقي الانترنت مو عاجبتك شكلها, غيّر المتصفح تبعك للفايرفوكس او ع الأقل اكسبلورر تمانة, و لسا عم تستخدم اكسبلورر ستة..
اذا ما بتعرف شو يعني فايرفوكس او سفاري او كروم, هي متصفحات انترنت (برامج) مهمتها انو تعرضلك صفحات النت، متل الوورد مثلا يللي مهمتو يكتب النصوص و يعالجها..

5. ًخامسا..
قسما بالله يللي بسمعو من هون و رايح عم يقللي انو ايميلو الهوتميل اتهكر لأنو في واحد فطحل بالانترنت هكّرلو.. بأفا ايدي ع خلقتو.. لأنو مهما كان فطحل.. فهاد الشي مو مهم... المشكلة فيك انت لانك حاطط كلمة سر هيي اسمك و يوم ميلادك فغيرهن هلأ و ما تحط كلمة سر من الواحد للتسعة يا فهمان, او تحط اسمك و بعدين كم رقم.. لأنو يللي بدو يقصد يحزر الكلمة, مستعد يجرب 200 خيار لحتى يلاقي الكلمة.. و عملتها أنا من قبل و جربت اكتر من 250 احتمال, ووصلت لكلمة سر احدى الشخصيات. واذا عن جد كتير انت واحد متوسوس من هاد الشي فالك نصيحة انك تحط اول رمز من كلمة السر نجمة * وتكون الباسوورد من 20 حرف

6. ًسادسا..
لما تروح ع الكافيه نت, اتأكد انك عملت تسجيل خروج, و لا تسجل كوكيز ع جهازك, يعني بعد ما تخلص من مسنجرك, عميل تسجيل خروج و سكر المسنجر, أو اذا فاتح ايميلك او الفيسبوك أو اي شي... اتاكد من تسجيل الخروج, لأنو مجرد تسكير الصفحة ما بيعني انك طلعت من الموقع, لأنو في ملفات بتنزل ع جهازك بتحفظلك دخولك لمدة معينة اسمها مدة الجلسة.

7. ًسابعا..
لما بتضيفك بنت ع الفيسبوك, ما عندها غير صورة وحدة و مشلّحة, هي بتكون شركة عم تحاول تجمع 5000 عضو مشان تبعت دعايات لا تسدق انها بنت و تصير تبعتلها, شكرا ع الإضافة.

8. ًثامنا..
لا تسدق و تبعت الإيميل لعشر اشخاص بعدين تكبس اف ستة، لانو اف ستة, بتنقلك لشريط العنوان و بس, بكل المتصفحات.. و ما بتطالعلك اسم حبيبك ابدا..

9. ًتاسعا.. :
حياتك مو متوقفة عند بعت ايميل، فإذا ما بعتو شي مسج ما رح تموتو ولا رح ينشل ابن عمكن ولا رح تنهار البناية عليكن ... ورئيس الأرجنتين ما مات لأنو أهمل رسالة العدرا لأبنائها .....

10. ًعاشرا.. :
ما رح يصير معكن سرطان من الديودوران ..ولا رح يهر شعركن من الشامبو .. والكولا صحيح بتفتح البلاليع بس صالحة للاستخدام البشري ........ يعني الليمون بيهري البلاط بس ما بموتنا ..

11.. ًادعشا.. :
كوكا كولا بالمقلوب مو لا مكة لا محمد ...... ما حدا بدو يعمل بار على شكل الكعبة .... هاد مركز خدمة ماكنتوش.. بس اصحاب النفوس الضعيفة اللي مفكرين ان الغرب ما عندهم شغلة غيرنا يروحوا يلاقولهم شي طبيب نفسي

12. ًطنعشا .. :
و لا في بنت بين الحياة و الموت إذا ما بعتت الأيميل لكل الكونتاكت اللي عندك و بهدلت حالك رح تموت هالصغيرة فوراً.

13. ًتلتطعشا.. :
الريد بول مو مصنوع من بول الثيران ... والجيل مو من دهن الخنزير ... وبيبسي ما دخلها باستمرار دولة اسرائيل ... لان دولة اسرائيل مستمرة ليوم الدين فيك وبلاك ومكتوبة بالقرآن

14. ًأربطعشا.. :
ولا حدا يقنعنا انو كل ما تعمل فوروورد لشي ايميل ديني انو نبعتو لحدا .. و يحلفنا بالله و بكل الانبياء و الرسل لان اللي بدو يذكر الله ويحلف بالرسول مو منتظر هاد الايميل منك بيعرف يحلف لحاله





وشكرا...... جداً ....... جزيلاً

. ًتاسعا.. :
حياتك مو متوقفة عند بعت ايميل، فإذا ما بعتو شي مسج ما رح تموتو ولا رح ينشل ابن عمكن ولا رح تنهار البناية عليكن ... ورئيس الأرجنتين ما مات لأنو أهمل رسالة العدرا لأبنائها .....

هههههههههه يسلمو توم عالمعلومات الله لايحرمنا منك

هلا وغلا غرور الغالية شكرا لمرورك

مشكور اخي توم شي فيو افادة نحنا العرب شو مابطلع شي بنلحقوومنصير نحكي عنوهيك نحنا

اهلين دينيز وين هالغيبة ان شاءالله كل شي تمام


شكرا لمرورك ...